सप्तरीमा करेन्ट लागेर एकै परिवारका चार जना घाइते



सप्तरी । सप्तरीमा करेन्ट लागेर एकै परिवारका चार जना घाइते भएका छन् ।

सप्तरीको राजविराज नगरपालिका वडा नम्बर ६ मा ४० वर्षका शिव नारायण साहलाई करेन्ट लागेको थियो । साहलाई छुटाउन जाँदा उहाँकी श्रीमती सन्तोषी साह, भाउजू राजकुमारी साह र भतिजा रक्षित साहलाई पनि करेन्ट लागेको हो ।

करेन्ट लागेर घाइते सबैको गजेन्द्रनारायण सिंह अस्पताल राजविराजमा उपचार भइरहेको छ । घरको छतमा रहेको होर्डिङ बोर्ड हावाले झारेपछि बिजुलीको तारमा छोइएको थियो । होर्डिङ बोर्ड हटाउन जाँदा साहलाई करेन्ट लागेको प्रहरीले जनाएको छ ।

सम्बन्धित समाचार